amalinks wokungena

Breaking News

1893 Mthwakazi Restoration Movement: I-NPRC Bekufanele Iqale Ixoxisane Labalwela Amalungelo Oluntu Ngodaba lweGukurahundi


Inhlanganiso elwela ilungelo loluntu eye 1893 Mthwakazi Restoration Movement ithi lanxa kulinyathelo elihle elokuthi ikhomishini ebona ngokukhumisana umlotha eyeNational Peace and Reconciliation Commission (NPRC) ixoxisane labathinteka kumbhuqazwe weGukurahundi, inengi liyesaba ukukhuluma likhululekile ngaloludaba.

Ngalokho, inhlanganiso le ithi iNPRC bekufanele iqale ixoxisane labalwela amalungelo oluntu ingakakhulumisani lomphakathi ngaloludaba ukwenzela ukuthi ithole amacebo angcono owokuqhuba loludaba.

Umgcinisihlalo weNPRC uMnu. Selo Masole Nare ubikwa esithi abantu bazazikhulumela ukuthi bafuna kwenziweni ngodaba lweGukurahundi, ngoba abanye badinga ukuxoliswa, inhlawulo, ukukhulunyiswa, ukuthuthukiselwa izigaba zabo, kumbe ukuthola imisebenzi.

Ngombhuqazwe weGukurahuni, kwabulawa abantu abedlula inkulungwane ezingamatshumi amabili, 20 000, eMatabeleland leMidlands libutho likahulumende ele5th Brigade ilizwe lisanda ukuthola uzibuse.

Ukucubungula loludaba, sixoxe loMnu. Benard Magugu, isiphathamandla senhlanganiso ye 1893 Mthwakazi Restoration Movement.

UMnu. Magugu uthi kusobala ngesehlakalo sokubotshwa kukaMnu. Wisdom Mkhwananzi kanye lenduna uVezi Maduna Mafu ngemva kokukhuluma ngaloludaba.

please wait
Embed

No media source currently available

0:00 0:02:39 0:00

XS
SM
MD
LG