UMongameli Emmerson Mnangagwa ngoLwesine ugcobe amalunga ekhansili ezakuba imcebisa kunhlangothi ezitshiyeneyo zikahulumende wakhe, eye Presidential Advisory Council.
Wethule umbiko esithi amalunga la, azingcwethi ezigabeni ezigoqela amabhizimusi, ezokwethulwa kwembiko kanye lezokulima, azancedisa ukuthuthukisa umnotho welizwe.
Ezinye zalezi ingcwethi kuzigaba eseziqanjiwe nguMnu. Busisa Moyo, Trevor Ncube, loNkosikazi Lindiwe Sibanda.
Kodwa ingcwethi ecubungula ezombusazwe uMnu. George Mkhwananzi uthi mhlawumbe uMongameli Mnangagwa kasoze alalele izixwayiso zekhansili le, ngoba ibandla lakhe leZANU PF lilembali yokungathiyi indlebe.
Unike umzekeliso ngomphathintambo kahulumende obona ngezemali usikhwicamfundo Mthuli Ncube, yena athi kusobala ukuthi inhlelo zakhe azamukelwanga esungula umsebenzi.
