amalinks wokungena

Breaking News

I-ZACC Yethesa UMnu. Jorum Gumbo Icala Lenkohlakalo


UMnu. Joram Gumbo

Umkhokheli weZACC uNkosikazi Loice Matanda Moyo utshele iStudio 7 ukuthi ngempela uMnu. Gumbo usezandleni zekhomishini yakhe njalo kungenzakala ukuthi alale esitokisini kumbe aye endlini yakhe kusiya ngempumela yokumbuzisisa abakwenzayo.

Umphathintambo kahulumende osebenza ewofisini kamongameli Emmerson Mnangagwa, uMnu. Joram Gumbo ubotshiwe ngoMvulo yiZimbabwe Anti-Corruption Commission (ZACC) imethesa icala lenkohlakalo.

Umkhokheli weZACC uNkosikazi Loice Matanda Moyo utshele iStudio 7 ukuthi ngempela uMnu. Gumbo usezandleni zekhomishini yakhe njalo kungenzakala ukuthi alale esitokisini kumbe aye endlini yakhe kusiya ngempumela yokumbuzisisa abakwenzayo.

Uqhubeke wathi ikhomishini yakhe isadingisisa ngamacala edlula amatshumi amathathu etheswa iziphathamandla zikahulumende kanye lamanye ayinkulungwane.

UMnu. Gumbo wetheswa amacala agoqela ukutshaphazeka kwemali zenhlelo zenkampani yendizamtshina i Zimbabwe Airways lokusebenzisa ngokungekho emthethweni imali efika isigidi samadola-one million-kusakhiwo lapho ayefuna kubengamawofisi aleyo ndizamtshina.

Wetheswa njalo icala lokubuyisela emsebenzini isiphathamandla senkampani ye CMED lanxa sibikwa setheswa icala.

Lokhu kulandela ukubotshwa komunye njalo owayeyisiphathamandla sikahulumende uNKosikazi Prisca Mupfumira esetheswa icala elifanayo, njalo usathonisiswa eku bail.

Asenelisanga Ukukhuluma legqwetha elimela uMnu. Gumbo ngaloludaba.

Isiphathamandla sebandla leZANU PF uMnu. Joseph Tshuma uthi liyancomeka inyathelo le-ZACC. Kodwa uMnu. Edwin Ndlovu, isiphathamandla sebendla leMDC uthi umangoye uyasola.

please wait

No media source currently available

0:00 0:02:27 0:00

Facebook Forum

XS
SM
MD
LG