Iqembu lenguqu eleZimbabwe Saints, elidlalele esigabeni seSouthern Region Division One League lonyaka, lithi liphakathi kokulungiselela umdlalo walo omkhulu leShabani Mine, wona ozaveza ukuthi yiliphi iqembu phakathi kwamabili la elizakuya kuPremier Soccer League ngomnyaka ozayo.
ISaints, yona eyazakala kakhulu ngokuthi yiChikwata, yiyo egqhibe imidlalo yeSouthern Division One ikhokhela ngemiklomelo kuthi iShabanie layo yiyo egqhibe ikhokhela kuEastern Region.
Kodwa umdlalo weSaints leShabani Mine lo uzaphumelela kuphela ingxabano ekhona phakathi kweMpumalanga United leQuelaton phezu kwemiklomelo ingalungisiswa.
Unobhala jikelele weSaints uPatrick Hokonya utshele uNtungamili Nkomo weStudio 7 ukuthi iqembu lakhe likhangelele ukuthi iQuelaton inganikezwa imiklomelo ngoba lokhu kungabangela ukuthi iQuelaton kube yiyo esizadlala leShabani Mine.
