amalinks wokungena

Breaking News

Ibandla leMDC-T Lisola Udlakela Lwamapholisa eZvishavane


UMnu. Nelson Chamisa, umsekeli kamongameli webandla leMDC-T elomkhokheli webandla lakhe, uMnu. Morgan Tsvangirai.
UMnu. Nelson Chamisa, umsekeli kamongameli webandla leMDC-T elomkhokheli webandla lakhe, uMnu. Morgan Tsvangirai.

Ibandla leMDC-T lithi liyakhathazeka kakhulu ngocuku lwamapholisa kulandela udlakela lelibandla elithi luqalwe ngamapholisa ngempelaSonto edolobheni le Zvishavane.

Lelibandla lithi laliphiwe imvumo yokwenza umhlangano walo kodwa amapholisa awucitha ngodlakela.

Kubikwa kulabantu abambalwa abalimeleyo njalo abanye ababalisa umgcinisihlalo wesigaba se Midlands, uMnu. Fransisco Masendeke babotshiwe.

Kubikwa kube lokulwisana okukhulu phakathi kwamapholisa lamalunga alelibandla okungenelwe ngezinye izakhamizi ze Zvishavane.

Lumhlangano ubukhangelelwe ukukhokhelwa ngomunye wabasekeli bakamongameli, uMnu. Nelson Chamisa.

Ukuze sizwe okunengi ngalesi sehlakalo sixoxe lomsekeli wesikhulumeli sebandla leMDC-T, uNkosazana Thabitha Khumalo.

"EZvishavane okwenzakeleyo yikuthi abalandeli bethu babecele imvumo emapholiseni kodwa babuya badiliza itende lethu basuka baqala ukuhlukuluza uzulu," kutsho uKhumalo.

please wait

No media source currently available

0:00 0:02:04 0:00
Lapho esitholakala khona

XS
SM
MD
LG