Ibandla leMthwakazi Republic Party lithi selilindele impendulo evela esigodlweni sevinkili lePick and Pay kwele South Africa, ngemva kokunikeza abakhokheli balesi isitolo ugwalo lwezikhalazo olwe petition, lisola ukuqhatshwa kwabantu abavela kwezinye izigaba zelizwe endaweni yalabo abahlala koBulawayo.
Induna zeMatabeleland lazo zibikwa zithumele ugwalo lwepetition kumongameli Emmerson Mnangagwa, zisithi kufanele izifundi eziphuma emakolitshini alesi isigaba kube yizo eziqhatshwa phambilini kwabavela kwezinye izigaba.
Ugwalo lolu lubikwa lusayinwe zinduna ezibalisa oMnu. Vezi Maduna Mafu, Jahana Ndumiso Khumalo, Chief Ndiweni, Chief Sibasa, kanye lesiphathamandla esisebenza lezinduna eMatabeleland South, uMnu. Nothiwani Dlodlo.
UMnu. Njabulo Ngwenya, unobhala obona ngobudlelwano lamanye amazwe kubandla leMthwakazi Republic Party, okuqula eliqhube ugwalo lwepetition ePick and Pay eSouth Africa, uthi kusobala ukuthi umzabalazo ofana lowebandla lakhe uzamemetheka esigabeni seMatabeleland.
