amalinks wokungena

Breaking News

Ibandla leMDC-T Lixotsha UMnu. Elton Mangoma Labanye


Idale laphezulu le National Council lebandla le MDC – T libikwa selixotshe umsekeli kamgciningcebo, uMnu. Elton Mangoma lenye inkokheli yebandla eyetheswa icala lokungalandeli izinqumo zebandla emhlanganweni owenzwe ngoLwesine esigodlweni sebandla eHarare.

Abanye ababikwa bexotshiwe ngamalunga edale le National Executive, uMnu. Jacob Mapfume, Last Maingehama lonobhala jikelele wabatsha, uMnu. Promise Mkhwananzi.

Abakade besemhlanganweni lo bathi bekuphoselwana aqatha kodwa kwaze kwavunyelwana ukuthatha lesi sinqumo lanxa idale leNational Execitive belithe ngaphambilini kuzadingwa ikhomidi ezimeleyo ithonise uMangoma owazokela umlilo emehlweni ngokuthi uMnu. Morgan Tsvangirai kasuke esihlalweni ngoba sehluleke ukunqoba ukhetho.

Umgcinisihlalo webandla, uMnu Lovemore Moyo walile ukuvuma ukuthi amalunga la axotshiwe mpela kodwa wathi kulamanyathelo athethweyo angafunanga ukuwaveza esithi azavezwa nxa amalunga la engaziswa.

UMoyo wengezeesithi amanye amalunga ebandla asekelana lembono kaMangoma abalisa isikhulumeli sesigaba seManicaland, uMnu. Pishayi Muchauraya, lomngcinisihlalo wabatsha, uMnu. Solomon Madzore bazajeziswa ngeviki ezayo lidale lezijeziso.

Unobhala jikelele webandla uMnu. Tendai Biti laye owazakala elembono kaMangoma ubekhona kulumhlangano. U Moyo uthe uBiti kathathelwanga nyathelo.
UChris Gande uphinde waxoxa loMnu. Promise Mkhwananzi ukuze sizwe imbono yakhe ngaloludaba.
XS
SM
MD
LG