HARARE —
Ibandla le Mavambo/Kusile/Dawn-MKD lithi kalemukeli impumela yokhetho olusanda kuqhutshwa elizweni ngoba lisithi luqhutshwe okungekho emthethweni njalo lungavezi izifiso zikazulu we Zimbabwe.
Emhlanganweni lentathelizindaba eHarare Club eHarare lamuhla,umkhokheli webandla le MKD uDr Simba Makoni uthi luvele lwakhanya ukuba kalukho emthethweni lolu khetho lalapho lungakenziwa.
UMakoni uthi bekungekho obekungenziwa ngaphandle kokuphatheka kulo lanxa bekubonile mhlophe ukuba umthetho bewungalandelwa kusukela ekuqaleni.
Utshele umhlangano munye ukuba zimbalwa indlela abazazisebenzisa ukukhalaza phezu kwalolu khetho abebandla lakhe abaphatheke ngaphansi komanyano lele MDC ekhokhelwa nguMnumzana Morgan Tsvangirayi okubalisa ukuya emthethwandaba.
Ukhuthaza lenkokheli zamazwe akumanyano wamazwe angezansi kwe Africa iSadc ukuba zifunde yonke imibiko ezakwethulwa zinhlanganiso zalabo abaze ukuzabona ukuqhutshwa kwalolukhetho okufana lequla leSadc, African Union, kanye le COMESA anduba batsho abakutshoyo.
UMakoni uthi bazakusa loludaba emthethwandaba bemanyene labebandla le MDC elikhokhelwa nguTsvangirai.
Uthi bakubone kufanele ukuba baqale emthethwandaba anduba kusetshenziswe ezinye indlela zangekhaya ukululungisisa loludaba lanxa ethi bayazi mhlophe ukuba lamadale ake aziphatha indaba zokhetho ezifanayo okufana lolukamongameli lomnyaka ka2000 olule sinqumo esingakethulwa kuze kube lamuhla lokhu.
Emhlanganweni lentathelizindaba eHarare Club eHarare lamuhla,umkhokheli webandla le MKD uDr Simba Makoni uthi luvele lwakhanya ukuba kalukho emthethweni lolu khetho lalapho lungakenziwa.
UMakoni uthi bekungekho obekungenziwa ngaphandle kokuphatheka kulo lanxa bekubonile mhlophe ukuba umthetho bewungalandelwa kusukela ekuqaleni.
Utshele umhlangano munye ukuba zimbalwa indlela abazazisebenzisa ukukhalaza phezu kwalolu khetho abebandla lakhe abaphatheke ngaphansi komanyano lele MDC ekhokhelwa nguMnumzana Morgan Tsvangirayi okubalisa ukuya emthethwandaba.
Ukhuthaza lenkokheli zamazwe akumanyano wamazwe angezansi kwe Africa iSadc ukuba zifunde yonke imibiko ezakwethulwa zinhlanganiso zalabo abaze ukuzabona ukuqhutshwa kwalolukhetho okufana lequla leSadc, African Union, kanye le COMESA anduba batsho abakutshoyo.
UMakoni uthi bazakusa loludaba emthethwandaba bemanyene labebandla le MDC elikhokhelwa nguTsvangirai.
Uthi bakubone kufanele ukuba baqale emthethwandaba anduba kusetshenziswe ezinye indlela zangekhaya ukululungisisa loludaba lanxa ethi bayazi mhlophe ukuba lamadale ake aziphatha indaba zokhetho ezifanayo okufana lolukamongameli lomnyaka ka2000 olule sinqumo esingakethulwa kuze kube lamuhla lokhu.