amalinks wokungena

Breaking News

Ibandla leMthwakazi Licela iUnited Nations Security Council Ukuthi Ingenele Kudaba lweZimbabwe


Umnumzana Mqondisi Moyo umkhokheli webandla leMthwakazi Republic Party
Umnumzana Mqondisi Moyo umkhokheli webandla leMthwakazi Republic Party

Ibandla leMthwakazi Republic Party (MRP) lithi selilobele inhlanganiso ezilwela amalungelo oluntu lamazwe omhlaba agoqela eleRussia, France, leleBhilithani licela ukuthi bangenele kudaba lelibandla elithi ngolokuhlukuluzwa kwabantu beMatabeleland nguhulumende weZanu PF.

Umkhokheli weMRP uMnu Mqondisi Moyo, yena othi ucatshile ngoba kulabantu abamdingayo abafuna ukumthumba kumbe ukumbulala, uthi balobele njalo umanyano weEuropean Union, iUnited Nations Security Council, Commonwealth kanye leNdlovukazi yeBhilithane uQueen Elizabeth ngokwakhe ukuthi angenele kuloludaba.

please wait

No media source currently available

0:00 0:04:26 0:00

Kodwa uhulumende uyakuphika ukuthi wephula amalungelo oluntu.

Kusenjalo, amalunga eMthwakazi ayisitshiyagalolunye alokhe evalelwe entolongweni yeKhami leyeMlondolozi, esetheswa icala lokubangela udlakela ngesikhathi etshengisela phambi kweBulawayo Central Police Station kulinyanga.

Ukuthoniswa kwamacala abo kukhangelelwe ukuqala kusukela kusasa. Amagqwetha abo athi alwisa ukuthi bakhululwe ngebail.

XS
SM
MD
LG