amalinks wokungena

Breaking News

Amalunga eNCA Akhala Ngokuhlukuluzwa Ngabamanye Amabandla


UProfessor Lovemore Madhuku

Lelibandla lithi amalunga alo amathathu atshaywe kabuhlungu ngabacatshangelwa ukuthi ngamalunga ebandla le Zanu-PF emzini weMbare eHarare ngeSonto.

Ibandla le National Constitutional Assembly lithi amalunga alo amathathu atshaywe kabuhlungu ngabacatshangelwa ukuthi ngamalunga ebandla le Zanu-PF emzini weMbare eHarare ngeSonto.

Abantu laba bebephanyeka amagwaliba elunga lalelibandla uMnu. Takura Gadzira, oncintisayo esikhundleni sikakhansila kukhetho lwe Bye election oluzakwenziwa kuyanale inyanga.

Ibandla le NCA, lithi abathathu laba uMnu. Taurai Maravanyika, uMnu. Patson Mangwiro loMnu. Olibeletsi Noko belatshiwe esibhedlela se Avenues basebekhululwa lanxa amanxeba abo abikwa esesabeka.

Ibandla le NCA lizabe lincintisa okwakuqala selokhu linhlanganiso eyayiqhuqhuzela ukulotshwa kutsha kwesisekelo sombuso yaguquka yaba libandla lezombusazwe.

UGadzira udinga ukummela uWard 12 emzini weSunningdale 1, eyingxenye ye Mbare. Kukhetho oluzenziwa mhlaka 25 kuyonale inyanga.

Isikhulumeli se NCA uMnu. Madock Chivasa uthi lanxa loludaba beluse emapholiseni akulamuntu obotshiweyo.

please wait

No media source currently available

0:00 0:01:55 0:00
Lapho esitholakala khona
XS
SM
MD
LG