amalinks wokungena

Ibandla leNPP Lenza Umhlangano Wokukhetha Inkokheli Kungela Abesifazane Abanengi

  • Chris Gande

Emhlanganweni werally okaNkosikazi Joice Mujuru koBulawayo

Ibandla le National People’s Party lilomhlangano omkhulu wokukhetha inkokheli ngempelasonto.

Kuluhlu lwabafuna ukukhokhela kulabesilisa abanengi kakhulu osekutshiye abasifazane phandle ngoba umkhokheli engowesifazane.

Akula ozancintisa uNkosikazi Joice Mujuru kuthi kwabafuna isikhundla sokusekela umongameli bayisithupha. Bonke ngabesilisa ngaphandle koyedwa.

Kulokudonselana njalo kwenkokheli ngobuhlobo lokuthi bavela kusiphi isigaba selizwe.

Abafuna izikhundla ezimbili zomsekeli kamongameli ngabathi owake wamela ilizwe kwamanye amazwe, uMnu. John Mvundura , uMnu. Elliot Kasu , uMnu. Samuel Sipepa Nkomo, uMnu. Cuthbert Ncube, uNkosikazi Linda Dube losakhulayo uMnu. Bongani Nyathi.

Kuthi abanzancintisa kusikhundla sikanobhala jikelele ngabathi owake waba ngumphathintambo wezamandla, uMnu. Dzikamai Mavhaire, uMnu. Bancinyane Wilson Ndiweni lolwela amalungelo kazulu, uMnu. Bekezela Maduma Fuzwayo.

Ukuhlaziya loludaba sixoxe lengcwethi ecubungula ezombusazwe, uMnu. Nkululeko Sibanda, endawonye lesiphathamandla sebandla le NPP, uMnu. Max Mnkandla.

UMnkandla uthe: "Ibekwa ngabantu. Zikhethwa esibayeni. Inkokheli ezikhona lezi iminyaka yazo ingaphansi kwekamkhokheli uMujuru."

USibanda yena uthe lokhu okukhulunywa nguMnkandla kuhle kakhulu ngoba bekhuluma bengesabi ukucothoza inkokheli esileminyaka eminengi kuleka Mujuru.

"Kungakhutshwa abantu abadala bonke kuthiwe abasafunakali kumele ababili abathathu batholakale ngoba ezombusazwe ilizwe libusela wonke umuntu," kutsho uSibanda.

Facebook Forum

XS
SM
MD
LG