amalinks wokungena

Ibandla lePDP Lenza Umhlangano Ongalitshiya Lidabuke Phakathi

  • Chris Gande

UMnu. Tendai Biti

NgoLwesihlanu ibandla le People’s Democratic Party, (PDP), lizakuba lomhlangano wedale le Standing Committee lapho okukhangelelwe ukukhulunywa ngodaba lokungena kumanyano weMovement for Democratic Change Alliance.

Kulokwesabela ukuthi kungaba lokudabuka phakathi kwebandla ngoba abangafuni ukungena kumanyano lo, ababalisa uNkosikazi Lucia Mtibenga, uMnu. Gorden Moyo, Mnu. Kucaca Phulu labanye, bayafunga begomela besithi kabasoze bangene ngoba bengaphiwanga izihlalo zokuncintisa ezenelyo, ikakhulu koBulawayo.

Ngakwelinye icele abafuna ukungena kulumanyano ababalisa umongameli webandla, uMnu. Tendai Biti, labanye bathi ukuya kukhetho kungelamanyano yikuchitha nje isikhathi.

Ukuhlaziya loludaba sixoxe lengcwethi ecubungula ezombusazwe, uMnu. Bhekilizwe Bernard Ndlovu, endawonye lesiphathamandla sePDP, uMnu. Edwin Ndlovu.

“Ukungena kumanyano akukhathazi kodwa ke okuqakathekileyo yikuthi kumele kuqale kulungiswe konke kucace kubesegcekeni besesingena sibambene lamanye amabandla,” kutsho uMnu. Edwin uNdlovu.

Uthi esikhathini esinengi umanyano wandise ukubangela ingxabano ngoba imbono yabantu itshiyene.

“Yikho thina sibona kungela crisis ngoba ngesikhathi esifitshane esilandelayo sizabe simanyene,” kutsho uNdlovu.

UMnu. Bhekilizwe Ndlovu yena uthi okwakuqala kumele uzulu azibuze ukuthi kanti vele isisusa esabangela ukuxexebuka kwamalunga abumba iPDP kuyini.

UNdlovu uthi, “Esasikukhangelele thina njengabantu abathi kumele kube lokuphumelela elizweni yikuthi uMnu. Morgan Tsvangirai esehluleke ukuthatha umbuso okwesithathu kwakumele ukuthi avumele abaselegazi eligijimayo abafana labo Tendai Biti labo Elton Mangoma ukuthi bathathe intambo zebandla.”

Facebook Forum

XS
SM
MD
LG