amalinks wokungena

Breaking News

Ibandla lePDP Livumelana Ukuqhubeka KuMDC Alliance Lanxa Kulengxaki


UMnu.Tendai Biti
UMnu.Tendai Biti

Ibandla le People’s Democratic Party, PDP, ngoLwesihlanu livumelane ukuqhubeka ngenkulumo zokubumba umanyano wamabandla aphikisayo othiwa yi MDC Alliance emhlanganweni owenzelwe eGweru.

Lumhlangano ulandela ukukhonona obesekuqhamuke ebandleni leli ngoba ezinye iziphamandla zithi kazifuni ukungena kulumanyano ngoba bezaphiwa izikhundla ezilutshwana.

Abangafuni ukungena kumanyano lo bagoqela uNkosikazi Lucia Mtibenga, uMnu. Gorden Moyo, uMnu. Kucaca Phulu labanye, kuthi-ke abafuna ukungena kulumanyano babalisa umongameli webandla, uMnu. Tendai Biti labanye bakhe.

Isikhulumeli sebandla lePDP koBulawayo, uMnu. Edwin Ndlovu, uthi, “Silokhu siyingxenye ye MDC Alliance. Kuyisinqumo esihle kakhulu esiphume emhlanganweni."

Ungezelele esithi udaba lwezikhundla abazancintsia kuzo ngolunye olulokhu lusakhululunyiswana ngoba ezithiwa yizo abazincintisa ezilithumi lane, 14, abathakazeleli inani lazo ngoba liphansi kakhulu.

“Ikanti okunye ibandla lethu elikhala ngakho kakhulu yikuthi nxa siyi alliance singayibizi ngebizo elithi MDC Alliance. Ngibona ngani lakho lokhu bazakhulumisana ngakho."

Uthi abanye babekubone kufanele ukuthi baziphe igama elithi MDC Alliance ngoba babeyingxenye ye MDC kodwa khathesi sebelibandla elizimeleyo okwenza bedinge igama elingela MDC phakathi.

please wait

No media source currently available

0:00 0:01:58 0:00

XS
SM
MD
LG