Umnu. Absalom Sikhosana unobhala jikelele wabatsha kubandla le Zanu PF njalo okudale lePolitburo kulelibandla uthi ngamanga aluhlaza ukuthi inotho yelizwe le Zimbabwe yabulawa nguMongameli Robert Mugabe labalandeli bakhe.
U Sikhosana uthi ilizwe libulewe yizijeziso zenotho ezafakwa ngamazwe anjenge Melika, iBhilithane lamanye amazwe entshonalanga aseyenze ukuthi abantu makhaza bathwale nzima.
Uphinde wathi katholanga imbiko yokuthi uRetired Colonel Basten Beta labanye abakuhlangothi olutsha lwe Zimbabwe National Liberation War Veterans Association abathi inotho yelizwe yabhidlizwa nguMongameli Mugabe labasekeli bebandla lakhe.
Ibandla le Zanu PF libikwa lithukuthele okwamagama ngembiko le osokwenze ukuthi uRetired Colonel Beta labanye bakhe bedinge indawo zokucatsha njengoba kukhanya engani bengasuselwa amanqe ngabalandeli be Zanu PF.
U Sikhosana utshele u Gibbs Dube weStudio 7 ukuthi amazwe anjenge Bhilithane le Melika yiwo abhidlize inotho yelizwe le Zimbabwe hatshi uMugabe lebandla lakhe.
Ibandla leZanu PF Lithi Ngamanga Aluhlaza Ukuthi uMongameli Mugabe Wabulala Ilizwe
- Gibbs Dube
