amalinks wokungena

Breaking News

Ibandla leZANU PF Liyakhokhela Kumpumela Yokhetho Lokudinga Amalunga Edale Lephalamende


UMnu Nelson Chamisa loMongameli Emmerson Mnangagwa

Izizalwane zeZimbabwe ezihlala kwamanye amazwe zithi zididekile ngalimpumela ngoba bezifuna kubelenguquko zibuyele ekhaya.

Impumela yokhetho oluqhutshwe ngoMvulo eyethulwe yikhomishini yeZimbabwe Electoral iveza ukuthi ibandla leZANU PF liyakhokhela ezigabeni ezinengi zelizwe, ikakhulu emaphandleni. Lanxa impumela yabancintisa kukhetho lokudinga umongameli ingakavezwa, inengi lezizalwane zeZimbabwe ezihlala kwamanye amazwe zithi zididekile ngalimpumela ngoba bezifuna kubelenguquko zibuyele ekhaya.

Inengi lezizalwane zeZimbabwe ezihlala eBhilithane ezikhulume lalumsakazo lithi belithembile ukuthi ibandla lomanyano weMDC Alliance ekhokhelwa nguMnumzana Nelson Chamisa liyanqoba kulolukhetho kulandela usekelo olukhulu abakade beluthola emihlanganweni yabo yama rallies bekhankasa. UMnumzana Zinja Ncube uthi mhlawumbe kubelokuqilibezela.

UNkosazana Nonhlanhla Mlalazi uthi kalankani ngempumela yokhetho.

Abanye bathi umanyano weMDC Alliance yiwo ongakhankasanga kuhle njalo awungenanga endaweni ezinengi zemaphandleni. UMnumzana Kolz Mpala uthi akula buqili obenziweyo kulolukhetho.

Inengi eNgilandi lithi kalilali lilinde impumela yokhethoyonke lanxa kukhanya ibandla abalisekelayo elomanyano weMDC Alliance lihambela emuva njalo kungenzakala ukuthi ibandla leZANU PF linqobe. I-ZEC isiveze eyinye impumela yokhetho lwamalunga edale lephalamende kodwa ayikethuli impumela yabancintise kukhetho lokudinga umongameli.

please wait

No media source currently available

0:00 0:02:25 0:00

Facebook Forum

XS
SM
MD
LG