Izigebebengu ebezihlome ngemibhobho zibambe imota ebithwele imali yezitolo zakoChoppies inkunzi libalele koBulawayo ngoLwesine zabaleka lama-trunk ayisikhombisa egcwele imali.
Amasela la akhalise imbhobho esitolo seChoppies esiseParklands omantshingelane benkampani yeRomicon Security eyiyo esetshenziswa yisitolo lesi ukusa imali ebhanga, bahle baqanda, izigebengu lezi zahle zahluthuna amabhokisi emali zanyamalala.
Akwaziwa ukuthi bekulemalini. Isikhulumeli samapholisa uMnu Paul Nyathi uthi basadingisisa.
NgoMgqibelo kulezigebengu ezibambe isitolo sotshwala inkunzi koBulawayo njalo eAscot zadubula zabulala owesifazana obethengisa kulesisitolo.
Isiphathamandla senhlanganiso yeBulawayo Progressive Residents Association uMnu Thembelani Dube uthi bakhathazekile ngokwanda kobugebengu kulelidolobho.