amalinks wokungena

Breaking News

Ibhanga le African Development Bank Selizavula iWofisi eZimbabwe


Ibhanga le African Development Bank lithi selizavula iwofisi yalo eZimbabwe ukwenzela ukuncedisa ukuthuthukisa inotho yelizwe ebhidlike ngesikhathi ibandla le Zanu PF lisabusa lodwa.

Umnu. Ernest Achono isikhulumeli salelibhanga uthi amabhanga amakhulu anjenge World Bank ayasekela ukuvulwa kwewofisi eHarare okuzakwenza kudingwe imali engange US$1.5 billion yokunceda iZimbabwe.

Umnu. Achono uthi imali ezaqoqwa libhanga leli izancedisa kunhlelo zamanzi kanye lokuncedisa amankampani afuna imali yokusungula imisebenzi yokulungisa impahla yokuthengisa.

Umnu. Bekithemba Mhlanga ingcwethi ecubungula ezenotho uthi inotho yelizwe ilakho ukuthuthuka nxa ibhanga leli linganika amankampani izikwelede zokulungisa impahla etshiyeneyo.

XS
SM
MD
LG