Inhlanganiso yabamabhizimusi eye Confederation of Zimbabwe Industries (CZI) ithi nxa ibhanga elikhulu lelizwe iReserve Bank of Zimbabwe lisehluleka ukubhadala izikwelede zamankampani, kumele lawo mankampani ehliselwe umthelo we tax.
Umqondisi we CZI uMnu. Joseph Kanyekanye uthi amankampani amanengi okumele abhadalwe izikwelede lezi, athwele nzima ngokuswela imali yokulungisa impahla enengi yokuthengisa ezaletha inzuzo elohlonzi.
Ibhanga le RBZ lathatha imali zamankampani kanye lenhlanganiso ezizimele zodwa kungelamvumo ngesikhathi ibandla le Zanu PF lisabusa lodwa.
Umnu. Masimba Kuchera umsekeli kamgcinisihlalo we Zimbabwe Coalition on Debt and Development utshele uGibbs Dube owe Studio 7 ukuthi imcabango ye CZI iyabukeka loba nje ukwehliswa komthelo we tax kuzamele kwenziwe lugatsha olubona ngezemali.
