amalinks wokungena

Breaking News

I-RBZ Imisa Ukusebenza Kweziqondiso Zomthetho Omutsha Wokuthengisa Izindlu


Ibhanga elikhulu lelizwe ele Reserve Bank of Zimbabwe lithi selimise iziqondiso zomthetho wokuthi uzulu angathengisa indlu kumele anikwe ingxenye yemali athengise ngayo kuthike eyinye igcinwe libhanga leli abe seyinikwa kancane umnyaka uze uyephela.

UMnu. Morris Mpofu, omunye wabaqondisi bebhanga leli abakhangelane lokusetshenziswa kwemali zemazweni, wethule umbiko lo esithi umthetho kumele umiswe ngoba uzulu ubengakazwisisi ukuthi kumele usetshenziswa njani njalo besokulenkulumo ezimbi ngalokhu.

Kazange aphumele egcekeni uMpofu ukuthi uzulu usoleni loba nje abantu makhaza, abathengisa izindlu bekunhlanganiso ye Real Estate Council of Zimbabwe kanye labamabhanga kade besithi lokhu bekungadala ukuthi iRBZ ithathe imali yabo okungekho emthethweni.

IRBZ ibikhangelelwe ukuvumela umuntu ukuthi athole inkulungwane ezingamatshumi amahlanu zamadola eMelika engathengisa indlu kuthi-ke eyinye yakhona ibanjwe libhanga leli abe seyinikwa kancane-kancane ngomnyaka.

Umnu. Mpofu uphinde wathi ukumiswa komthetho lo akutsho ukuthi sokumele abantu bathengise izindlu zabo babe sebethumeza imali yabo emazweni.

Ingcwethi kwezenotho uMnu. Masimba Kuchera uthi iRBZ yenze kahle ukuthi imise iziqondiso lezi.

XS
SM
MD
LG