amalinks wokungena

Breaking News

Ibhanga le Renaissance Merchant Bank Lifakwa kuCuratorship yi RBZ


Ibhanga le Renaissance Merchant Bank eletheswa icala lokungasebenzi ngokuqondileyo selimiswe ukusebenza lodwa libhanga elikhulu lelizwe ele Reserve Bank of Zimbabwe (RBZ) lafakwa phansi kokuqondiswa yiCuratorship ukwenzela ukuthi kuhlolisiswe umumo wenotho yalo kungelamali ezabanjwa ngabanikazi.

Ibhanga le RBZ libika ukuthi iRenaissance Bank ekade ingelika Mnu. Patterson Timba osexotshiwe ukuba ngumqondisi walo, limiswe ukusebenza lodwa okwenyanga eziyisithupha.

Ngesikhathi lesi, iRBZ izabe ikhangela konke okwenzakala ebhanga leli kube sokukhitshwa umbiko wesimo salo lingakaqalisi ukusebenza njalo lodwa.

Abaqondisi be Renaissance Bank bacatshangelwa ukuthi kade bengasebenzisi kahle imali okumele igcinwe kilo kanye lokuba libhanga elikhokhelwa ngabantu abalutshwana abala mashares edlula okufunwa ngumthetho wamabhanga eZimbabwe.

Ingcwethi kwezenotho zithi ukufakwa kwe Renaissance Bank kuCuratorship sokwethuse amabhanga eZimbabwe alokhe ezama ukubumba inotho yawo kulandela ukubhidlika kwenotho yelizwe.

Eyinye yalezingcwethi uMnu. Bekithemba Mhlanga uthi okwenzakala ebganga leli kuyethusa ngoba imali egcinwe yilo yamankampani atshiyeneyo lekahulumende ilakho ukunyamalala.

XS
SM
MD
LG