amalinks wokungena

Ibhanga leRBZ Selingezelele Imali Yama Bond Notes Kodwa Udubo Luyaqhubeka

  • Chris Gande

Imali yama bond notes

Ibhanga lesizwe, ele Reserve Bank of Zimbabwe, lithi selifake njalo eyinye imali yohlobo lwama bond notes osekwenza limali eselizweni ifike kuzigidi ezingamatshumi ayisikhombisa lambili, i$72 million.

Lelibhanga lithi abathunyelwa imali ngabasemazweni, abaphiwa imali yokubakhuthaza, ama incentives ngesilungu, isifika kunkulungwane ezinhlanu, i$5million.

Uhulumende wasungula uhlelo lwemali le ekupheleni komnyaka odluleyo esithi ufuna ukukhuthaza osomabhizimusi labathumela imali bengaphandle kwelizwe ukuthi bathuthukise umnotho welizwe kodwa kukhanya kungela bubelo.

Udubo lokusilela kwemali lokhu luqhubekela phambili kungelani lokuthi ama bond notes asengezelelwe.

Ukuhlaziya loludaba sixoxe lengcwethi kwezomnotho, uMnu. Masimba Kuchera.

"Ngibona engani lokhu yikukhuluma nje kwebhanga leReserve ngoba abantu lokhe belala phandle kwamabhanga imali ingatholakali," kutsho uKuchera.

XS
SM
MD
LG