Usibalukhulu webhanga elikhulu lelizwe eleReserve Bank of Zimbabwe uMnu. Gideon Gono uthi ibhanga leli selithethe isinqumo sokuthi ligumule izizebenzi ezedlula inkulungwane lengxenye- 1,600.
UGono ubikwa etshele ikhomithi ye dale lephalamende ebona ngezemali ukuthi sokuvunyelwene phakathi kwezisebenzi ezizagunyulwa le board ye RBZ ukuthi kubekwe imali ethize ukwenzela ukuhlawula lezo zisebenzi ezizalahlekelwa ngumsebenzi.
Ayaziwa limali ukuthi ingabe inganani njalo izavela ngaphi njengoba ibhanga leli lilezikwelede ezesabekayo.
Ingcwethi kwezenotho lezombusazwe uMnu. Rejoice Ngwenya utshele iStudio 7 ukuthi akaboni ukuthi ibhanga leli lizayithola ngaphi imali yokubhadala izisebenzi.
