amalinks wokungena

Breaking News

Ibhanga le Development Bank of Southern Africa Lipha iZimbabwe Imali Yokulungisa Umgwaqo


Uhulumende we Zimbabwe selobelane isivumelwano lebhanga le Development Bank of Southern Africa esokuthi ibhanga leli linike ele Zimbabwe izigidi ezingamakhulu amabili zamadola eMelika eyokulungisa umgwaqo osuka edolobheni le Plumtree usiya eMutare.

Ibhanga leli libikwa lizafaka imali kunkampani ye Infralink ebunjwe yi Zimbabwe Road Authority lenkampani ye South Africa iGroup Five International ezaqalisa ukulungisa lumgwaqo ngesikhatshana esilandelayo.

Umgwaqo lo ukhangelelwe ukukhuphula ubudlelwano phakathi kwamazwe ezansi ye Africa, awomhlaba wonke jikelele, amadolobho atshiyeneyo eZimbabwe kanye lezakhimizi lapho lumgwaqo odlula khona.

Umgwaqo lo udlula ko Bulawayo, eGweru, Kwekwe, Kadoma, Harare, le Rusape uze uyefika eMutare.

Ingcwethi ebona ngezenhlalakahle yabantu edabuka ePlumtree uMnu. Difa Dube uthi kuhle lokhu okwenziwa nguhulumende kodwa imali le yokulungisa umgwaqo ilakho ukuphelela emoyeni.

XS
SM
MD
LG