amalinks wokungena

Breaking News

Ibutho Likhuthazwa Ukungephuli Ilungelo Loluntu Ngesikhathi Inengi Lihlezi Ezindlini Ngenxa yeCoronavirus


Zimbabwe National Army
Zimbabwe National Army

Lokhu kuza ngemva kwembiko yokuthi abanye bebehlukuluzwa ngamapholisa endaweni ezehlukeneyo zelizwe, besetheswa umlandu wokuzulazula mahlayana, ngesikhathi inengi likhuthazwa ukuhlala ezindlini.

Inengi lithi likhathazekile ngenyathelo likahulumende elokuthi ibutho lingene emphakathini lincedisane lamapholisa ukwenqabela ukumemetheka kwegcikwane leCoronavirus, njengoba abanye besithi lilochuku.

Lokhu kuza ngemva kwembiko yokuthi abanye bebehlukuluzwa ngamapholisa endaweni ezehlukeneyo zelizwe, besetheswa umlandu wokuzulazula mahlayana, ngesikhathi inengi likhuthazwa ukuhlala ezindlini.

Kodwa abantu bathi bebedinga impuphu letshukela khona okungatholakali lula.

Abakhulume lalumsakazo bakhuthaza uhulumende ukuba adinge indlela ezisiza uzulu ukuba alandele iziqondiso zakhe njengalokho okwenziwa kwamanye amazwe wona asiza abantu ngokudla kanye lokuthela imithi ezitaladeni hatshi ukubahlukumeza.

Omunye wabaphatheke kumikhankaso yokulwela ilungelo loluntu uMnumzana Charles Nyoni uthi abantu bafuqwa yindlala ukuthi bephume ezindlini.

UMnu. Nyoni uxwayisa uhulumende ukuthi engalandeli mahlayana izinqumo zakwamanye amazwe, wona alendlela ezeneleyo zokusiza izizalwane zawo.

Esinye isakhamuzi edolobheni leharare uMnumzana Collins Ncube uthi akusizi lutho ukusebenzisa indlela zokuhlukumeza uzulu olambileyo.

Isiphathamandla seMDC esikhokhela uhlangothi lwezempilakahle u Dr Henry Madzorera uthi lanxa incomeka imizamo kahulumende eyokwenqabela ukusabalala kwegciwane leCoronavirus, ibandla lakhe alivumelani ngendlela ayiqhuba ngayo.

UMnumzana Ntokozo Mathe isakhamuzi sedolobheni leHarare uxwayisa uhulumende ukuthi asebenzise ezinye indlela zokulondoloza impilo yabantu ngalesi isikhathi.

Amapholisa abonakala engamaqembu ezimoteni zawo eminyezelene lababotshiweyo, esehluleka ukulandela iziqondiso zokuthi abantu bengathintani kanye lokubuthana- i social distancing, ukwenqabela ukumemetheka kwegcikwane leCoronavirus.

XS
SM
MD
LG