amalinks wokungena

Breaking News

Kuguqulwa Uluhlu Lwedale Labampathintambo OlweCabinet eZimbabwe


Jonathan Moyo

UMongameli Robert Mugabe uguqule uluhlu lwedale likahulumende wakhe labaphathintambo olutshiye uMnu. Jonathan Moyo, owayengumphathintambo wezokwethulwa kwemibiko esephethe ezemfundo yaphezulu. Osephethe isikhundla lesi nguNkosikazi Prisca Mupfumira.

Obengumphathintambo wezabelo, uMnu. Ignatius Chombo nguye osekhangele indaba zasekhaya kuthi okade ephethe lesi sikhundla uMnu. Kembo Mohadi usengumphathintambo wezokuvikelwa kwesizwe.

UMnu. Savior Kasukuwere obekhangele ezamanzi usenguye ozaphatha ezezabelo. UNkosikazi Nyasha Chikwinya sengumphathintambo wezabesifazane. Osezakuba ngumphathintambo wesigaba se Mashonala East nguMnu. Ambrose Mutinhiri. Abaphathintambo laba bahle babfungiswa ukuqalisa umsebenzi ngoMvulo, mhlaka 6 Ntulikazi 2015.

UChris Gande weStudio Seven uxoxe lesikhulumeli sebandla leMDCT, uNkosazana Thabitha Khumalo othi uluhlu lukaMugabe lolu alusoze lulethe inguqu empilweni kazulu.

XS
SM
MD
LG