amalinks wokungena

Breaking News

Caritas Zimbabwe: Uzulu Akatholiswe Imfundiso Yendlela Zokuzinakekela


Abenhlanganiso esebenzelana lozulu, eye Caritas Zimbabwe, bathi kumele iguqulwe indlela uzulu aphathiswa ngayo, atholiswe ulwazi olungamphathisa ukuziphilisa ngokuqhuba inhlelo zokulima,anelise ukuthola ukudla okwaneleyo,endaweni yokube lokhe ekhongozela,etholiswa lolo sizo oluyingcosana olungatsho lutho.

Lo ngumbono onikezwe ngesinye seziphathamandla ezisebenzelana lozulu phansi kwalenhlanganiso eye Caritas Zimbabwe, Archidioces yakoBulawayo , umnumzana Michael Sibanda, ngesikhathi eseHarare.

USibanda uthi njengenhlanganiso ehlezi isebenzelana lozulu kuhlangothi lwezokudla ngesikhathi sendlala lapho izulu lingananga kakuhle, bakubona kufanele baphathise ngolwazi kwezokulima, ukuze abantu bazinakekele hatshi ukulindela ukukhongozela sikhathi sonke.

Kungakho uzulu kulezo zigaba ekhuthazwa ukuba aphatheke kunhlelo zokulima izilimo ezihambelana lomumo womkhathi walezo zigaba ukuze asizakale ekutholeni ukudla.

Wengeza uSibanda ethi lindlela iphathisa ekuthini umuntu abone ukuqakatheka kokuzinakekela, usizo luze kuphela lapho sekubonakele ukuba sokungaphezu kwamandla akhe.

Abenhlanganiso ye Caritas Zimbabwe le bathi bayibona kuyiyo indlela kuphela engaphathisa ekuthini uzulu aguqule ingqondo akhangela ngayo usizo, azimele lalapho sezisukile kulezo zigaba inhlanganiso zosizo, kube zinhlelo eziqhubekela phambili.

Okunye njalo okubonakale kuqakathekile yikuthi kusetshenzwe kulandelwa indingeko eziyabe zibethwe nguzulu walezo zigaba, hatshi, okufiswa ngabaphathisayo ukuze kube ngezithakazelelwa nguzulu.

Udaba lokukhuthaza imfundiso ebantwini yendlela zokuziphilisa
please wait

No media source currently available

0:00 0:03:50 0:00
Lapho esitholakala khona

XS
SM
MD
LG