amalinks wokungena

Breaking News

ICG: Kulodlakela Olwesabekayo Olwenzakalayo Emigodini Yegolide


FILE - Gangs of illegal miners dig for diamonds in Marange, eastern Zimbabwe, Nov. 1, 2006.

Inhlanganiso yeInternational Crisis Group (ICG) ithi udlakela solubhahile kakhulu emigodini yegolide eZimbabwe lapho okufa khona abantu abanengi.

Kugwalo elwethule izolo olulesihloko esithi ‘All That Glitters is Not Gold: Turmoil in Zimbabwe’s Mining Sector’ iICG ithe abadala loludlakela bagoqela abezombusazwe, amasela kanye labemba igolile leli bengamalunga azimeleyo njalo esikhathini esinengi bengela mvumo, otsheketsha, kumbe ama-artisanal miners.

Ngokunjalo, inhlanganiso le ithi uhulumende kumele athathe amanyathelo okuqeda loludlakela agoqela ukuguqula umthetho weMines and Minerals Act ukuze unanze otsheketsha ngokugcweleyo njalo idale lephalamende licubungule abezombusazwe abanakanelwa ukuthi balesandla kuloludaba.

I-ICG ithi udaba lokukhutshwa kwegolide ngudlu ngabantu besiyalithengisa kwamanye amazwe ludaba oluhluphayo kakhulu olumele lalo lulungiswe ngoba ilizwe lilahlekelwa yimali enengi.

Loludaba yilo olwabophisa uNkosazana Henrietta Rushwaya.

Ukuze kuqedwe umkhuba lo, inhlanganiso le ithi uhulumende kumele engeze imali athenga ngayo igolide kulabo abalembayo ilingane lentengo yegolide emkambo womhlaba.

Umphathintambo ngezokwemba uMnu Winston Chitando utshele iStudio 7 ukuthi ubephathekile, ngakho ubengenelisi ukukhuluma ngaloludaba.

Kodwa ingcwethi kwezombusazwe uMnu Effie Dlela Ncube uthi uvumelana lombiko weICG.

please wait

No media source currently available

0:00 0:02:15 0:00

Facebook Forum

XS
SM
MD
LG