amalinks wokungena

Breaking News

Idale Labaphathintambo Lithumela Iqula Ezigabeni Ukucubungula Umumo Wokudla


Idale labaphathintambo, eleCabinet, selithumele iqula lokusebenzelana leZimbabwe Vulnerability Assesment Committee ekucubunguleni umumo wesivuno salonyaka.

Inhloko kahulumemdne, uMnu Morgan Tsvangirai wazise ngempelaviki ukuthi idale leli like laphatha udaba lokusilela kokudla elizweni lavumelana ukuthi zinengi indawo ezidinga ukudla.

Lezindawo zigoqela iMatabeleland North, Matabeleland South, iMidlands, Masvingo leManicaland.

Icele leMDC elikhokhelwa nguTsvangirai lithi ilizwe lonke libhekane lendlala ngakho uhulumende kumele avume lokhu njalo anxuse abenhlanganiso ezizimeleyo ukuthi baphathise ngokudla. Le yinto ekhanya ingafunwa libandla leZanu PF.

Ummeli weInsiza South edale lephalamende, uMnu Siyabonga Malandu Ncube uthi isigaba sakhe ngesinye sezigaba ezibhekane lendlala embi lonyaka.

XS
SM
MD
LG