amalinks wokungena

Breaking News

Idale Le Cabinet Lethula Uhlelo Lokuthuthukisa Inotho ye ZImbabwe


Idale le Cabinet selivumelene ukuthi kwethulwe uhlelo lokuthuthukisa inotho ye Zimbabwe iMedium Term Plan elakho ukuphumelela nxa kungatholakala phose amabillion alitshumi amadola eMelika kusukela lonyaka kuze kuyefika umnyaka ka 2016.

Loluhlelo lubikwa lukhangelelwe ukuthuthukisa inotho yelizwe phose ngokungaba yisilinganiso sokuyisikhombisa ekhulwini ngomnyaka.

Imali ezasetshenziswa kulolu hlelo ikhangelelwe ukudingwa eZimbabwe kanye lemazweni atshiyeneyo loba nje ilizwe lisehluleka okwamanje ukuthola imali le kulawo mazwe lenhlanganiso eziboleka amazwe imali.

Abachothoza uhlelo lolu bathi luzakwehluleka ukuthola imali efunakalayo njengoba amazwe entshonalanga esethuswa luhlelo lwe indigenization.

Kulokwesabela njalo ukuthi uhlelo lolu lwe Medium Term Plan lungaqanjulwa njalo ngamabandla abusayo abangisana ukulungisa okumele kwenziwe kungakenziwa ukhetho eZimbabwe.

Ingcwethi kwezenotho uMnu. Walter Nsununguli Mbongolwane uthi uhlelo lwe Medium Term Plan kalusoze luphumelele eZimbabwe njengoba ilizwe lingela mali.

‚Äč
XS
SM
MD
LG