amalinks wokungena

Breaking News

Idale leCabinet Elifungiswe ngoMvulo Lamukelwa Ngemibono Ehlukeneyo


cabinet
cabinet

Izizalwane zeZimbabwe ezihlala kweleSouth Africa sezitshayele umongameli Mnangagwa ihlombe ngokukhetha uMnumzana Mthuli Ncube, zisithi lokhu sekubaphe ithemba lokuthi umnotho weZimbabwe ungaphinda uvuke.

Izizalwane zeZimbabwe ezihlala kweleSouth Africa sezitshayele umongameli Mnangagwa ihlombe ngokukhetha uMnumzana Mthuli Ncube ukubangumphathintambo wogatsha lwezemali zisithi lokhu sekubaphe ithemba lokuthi umnotho weZimbabwe ungaphinda uvuke.

Kodwa abanye bathi inengi lalaba abaphathintambo aliniki ithemba lokuthu lizakwenza ngcono.

Isizalwane seZimbabwe uMnumnzana Greatman Mkhwebu, uthi okumthokozisa kakhulu yikuthi inengi labaphathintambo abaguqisa umnotho ngamadolo batshiwe phandle.

“Ngibona sengathi uzokwenza utshintsho olukhulu kakhulu. Uyazi kakhulu endabeni zezimali. Bengingacela sengathi a adopte iRandi ngoba ma engaqhubeka e adopta i US Dollar kuzosilimaza sizacina futhi sibona inkinga ebifana nale ebiyala isaphethwe ngubaba uChinamasa ukuthi bebengafuni ukuthi ba adopte iRand,” kutsho uMnu. Ncube.

Abanye bathi bajatshuliswa yikuthi uMongameli Emmerson Mnangagwa wenelisile ukukhetha abantu abalamakhono hatshinje ngoba umuntu esekela ibandla le ZANU PF.

Ukukhethwa kukaNkosikazi Oppah Muchinguri Kashiri, njengowesifazana wakuqala eZimbabwe ukuba ngumphathintambo wezomvikela ngokunye okunconywa ngabanengi.

Kodwake akusuye wonke umuntu othokozileyo. Isizalwane seBeitbridge eZezani uMnumzana Jonathan Mbedzi, uthi uMnangagwa wenze iphutha ngokukhetha uNkosikazi Monica Mutsvangwa ukuba ngumphathintambo wezokwethulwa kwemibiko. Uthi lolugatsha belufuna umuntu olesibindi sokuguqula imithetho eminengi eyafakwa kusabusa uMnumnzana Robert Mugabe.

“Yeyi angazi loba uzokhona ukukhupha eminye imithetho laphana efakwe nguJonathan Moyo. Engayikhupha lemithetho eminye yakhona yehliswe kancane and then kube lefreedom kakhulu kumedia laphana kungabangcono nabantu bazobe bethola inews ezifanele,”kugcizelela uMnu. Mbedzi.

Unobhala jikelele webandla le UDM uMnumzana Andrew Nyathi uthi kuhle ukuthi ukuthi kuxutshanisiwe abatsha labadala, kwakhethwa labantu abalamakhono. Kodwa uthi wesabela ukuba abaphathintambo laba bazaphazanyiswa libandla leZANU PF elihleli ligxamukela emsebenzini wabo.

Uthi njengozulu bafuna kulungiswe indaba yemali, kuvuselelwe umnotho, njalo izizalwane zeZimbabwe ezisemazweni zibuyele ziyephila impilo elesizotha ekhaya.

“Inotho ayisoze ikhone ukuthi iqine lisebenzisa amahlamvu. So ama bond notes must go. That is the most urgent thing emele ukuthi yenziwe ngesiphangiphangi ngoba izimali lezi abazifihle ezindlini langaphilangaphi lapha abazifihle khona, zizaphuma ma abantu sebebona ukuthi sokusetshenziswa imali,” kutsho uMnu. Nyathi.

Bakhona abathokoziswe yikukhethwa kukaNkosazana Kirsty Coventry njengompathintambo wezemidlalo besithi ngumuntu ololwazi ngezemidlalo.

Kodwa abanye bayakhonona ngokukhethwa kwabanye abaphathintambo abathi sokukade benikwa izikundla kudale leCabinet bengenzi lutho. Laba bagoqela uMnumzana Joram Gumbo, uMnumzana July Moyo, uNkosikazi Sithembiso Nyoni labanye.

please wait

No media source currently available

0:00 0:02:51 0:00

Kusenjalo, uMnu. Nkululeko Sibanda, oyisikhulumeli sikaMnu. Nelson Chamisa okhokhela umanyano weMDC Alliance, uthi amalunga edale lecabinet afungiswe lamuhla awasoze alethe inguquko elizweni, njalo akulandelwanga isisekelo sombuso selizwe esitsha kukhethwa amanye awo.

please wait

No media source currently available

0:00 0:02:57 0:00

XS
SM
MD
LG