amalinks wokungena

Breaking News

Idale leCabinet Lehluleka Ukuhluza Iziqondiso Zomthetho weIndigenization


Idale le Cabinet ngoLwesithathu lehlulekile ukuhluza iziqondiso zomthetho we Indigenization okwenze lolu daba ludluliselwe kuviki ezayo okutshengisa ukuthi amabandla eMovement for Democaratic Change le Zanu PF kawavumelani ukulungisa iziqondiso ezintsha ezingemukelwa ngamankampani wonke eZimbabwe.

Amalunga eCabinet abikwa enikane iviki ukuthi ahlolisise iziqondiso ezitsha zomthetho lo ezethulwe yiwofisi yegqwetha elikhulu lelizwe eka Attorney-General phezu kokucetshiswa yikomidi yephalamende ebona ngezemithetho.

Lokhu kwenzakala ngesikhathi iChamber of Mines isithi izimisele ukunika uzulu amashares kumankampani emigodi ayisilinganiso sokulitshumi lanhlanu ekhulwini-15% kuphela, njengoba lamankampani ezimisele ukwakhela abantu makhaza izikolo lezibhedlela.

Umnu. Matshobana Ncube ingcwethi ecubungula ezomthetho wamankampani utshele uGibbs Dube we Studio 7 ukuthi iZanu PF ifuna ukusebenzisa umthetho wokuthuthukisa inotho kazulu ukwenzela ukukhankasela ukhetho oluzayo.

‚Äč
XS
SM
MD
LG