amalinks wokungena

Breaking News

Idale leCabinet Lidlulisela Phambili Ukuthatha Isinqumo Sokumenywa Kweqembu le North Korea


Idale le Cabinet selidlulisele phambili ukuthatha isinqumo sokumenywa kweqembu lenguqu ele North Korea ukuthi lizelolonga ukudlala kwalo eZimbabwe lilungiselela umcintiswano wenguqu omkhulu wamazwe womhlaba owe World Cup ozaba kwele South Africa ngoNhlangula.

Umnu. David Coltart umpthathintambo wezemfundo, ezemidlalo kanye lezamasiko utshele iStudio 7 ukuthi umhlangano we dale le Cabinet obumele uqhobe ithambo ngodaba lwe qembu le North Korea ngolweSibili kawusenziwanga njengenhlalayenza.

U Coltart uthe uMongameli Robert Mugabe, uMnu. Morgen Tsvangirai inhloko kahulumende lomsekeli wakhe uMnu. Arthur Mutambara kabenelisanga ukuhlangana ngoba base Tanzania emhlanganweni wezenotho.

Loba kunjalo, uMnu. Brilliant Mhlanga owenhlanganiso ye Bhetshu Likazulu engenye zenhlanganiso ezingafuniyo ukuthi leliqembu liye koBulawayo, utshele uGibbs Dube we Studio 7 ukuthi inkomo ingazalumuntu nxa iqembu leli lingazikhohlisa liye eMandebeleni.

Kusenjalo, uMnu. Samukele Hadebe ingcwethi ecubungula ezombusazwe utshele uGibbs Dube we Studio 7 ukuthi kumele idale le Cabinet lizame ngamandla wonke ukuthi abantu bemzini kabasoze bekhathaze inhliziyo zabantu abafelwa yizihlobo labangane ngesikhathi sombhuqazwe we Gukurahundi.

‚Äč
XS
SM
MD
LG