Idale le Cabinet selithethe isinqumo sokuthi uMnu. Saviour Kasukuwere, umphathintambo wendaba zabatsha lokuthuthukisa inotho kazulu, kumele aqalise kutsha ukuloba iziqondiso zomthetho owe indigenization.
Umnu. James Maridadi isikhulumeli sika Mnu. Morgan Tsvangirai inhloko kahulumende uthi idale leli lithi akumelanga uKasukuwere ethule ezinye iziqondiso zal’umthetho engalandelanga izifiso zikazulu njalo engahluzanga lokhu lo Tsvangirai.
Loba nje idale leli lithethe lesisinqumo, kukhanya uKasukuwere ebikwa esala ukulandela okwethulwe lidale le Cabinet. Unkosazana Thabitha Khumalo, umsekeli wesikhulumeli se Movement for Democratic Change ekhokhelwa nguMnu. Tsvangirai, utshele uGibbs Dube we Studio 7 ukuthi uKasukuwere kumele atshengiswe indlela ebalulekileyo eyokubusa uzulu ngokuthatha izinqumo zedale le Cabinet.
Kusenjalo, imbiko efike sokusihlwa ngoLwesithathu ithi uMongameli Robert Mugabe uthi akusiqiniso ukuthi iziqondiso zomthetho esekela uhlelo lwe indigenization sezilahliwe kodwa isahluzisiswa nguhulumende.
Idale LeCabinet Lithatha Isinqumo Sokuguqula Iziqondiso Zomthetho weIndigenization
- Gibbs Dube
