amalinks wokungena

Breaking News

Kuqhamuka Ukuphikisana ngoMthetho Ophathelane Lokhetho owe Electoral Bill Omele Uhluzwe Lidale Lephalamende


Idale lephalamende okumele liqalise umsebenzi ngesikhatshana, likhangelelwe ukuthi lihlafune udaba lokulungisa umthetho wokuvota njengoba sokuleziqondiso zomthetho we Electoral Amendment Bill ozakwethulwa edale leli ngumphathintambo wezomthetho uMnu. Patrick Chinamasa ngoNtulikazi.

Iziqondiso lezi zimumethe okunengi okunjengokuthi amapholisa akumelanga angene lapho okuvotelwa khona, abahlala emazweni kabasoze bavunyelwe ukuvota njalo lokuthi kumele kwenziwe ingwalo zokuvotha endaweni ezikhethwe lugatsha lokuvothisa olwe Zimbabwe Electoral Commission.

Lokhu kuzakwenza ukuthi abavotayo bakhethe ababafunayo lapho okulamabizo abo khona kumaPolling Stations akhethwe yinhlanganiso yokuvothisa.

Okwamanje abantu makhaza bayavotha endaweni ezitshiyeneyo kuma wards lakuma Constituencies abo kodwa nxa iziqondiso lezi zingethulwa lidale lephalamende kuzamele ukuthi bahambe endaweni lezo ababhalisa khona amabizo abo.

Sokulokukhonona ngeziqondiso lezi ezingenza ukuthi abantu ababalekela ezombangazwe bangehluleka ukuvota lapho ababhalisa khona amabizo abo.

UGibbs Dube oweStudio 7 uxoxe loMnu. Clement Moyo olwela amalungelo oluntu othi sesifikile isikhathi sokuthi uzulu alungiselwe ingwalo zokuvota ezizakwenza ukuthi abantu basukthiseke ngendlela ukhetho olwenziwa ngalo kwele Zimbabwe.

UMoyo uthi nxa iziqondiso lezi zingethulwa lidale lephalamende banengi abantu abazehluleka ukuvota.

Umnu. Methuseli Moyo oyisikhulumeli sebandla le ZAPU laye uthi kumele idale lephalamende lingavumi ukuthi kube lomthetho ozakwenza ukuthi inengi labantu be Zimbabwe lingavoti ngenxa yobudlwangudlwangu.

XS
SM
MD
LG