amalinks wokungena

Idale Lephalamende Lithi Kuyamangalisa Ukuthi iZimbabwe Ithenga Ingqoloyi Emazweni

  • Gibbs Dube

Ikhomithi yedale lephalamende ebona ngezokulima ithi kuyamangalisa ukuthi uhulumende we Zimbabwe uthenga ingqoloyi emazweni kulokuthi anike abalimi imali yokuvuselela ukuyilima elizweni.

Amalunga ekhomithi le akhulume le Studio 7 ngoLwesihlanu athi iyethusa imbiko ethi ingqoloyi edliwa nguzulu kulezinsuku yonke ithengwa emazweni njengoba lokhu kungasoze kuncede ukuthuthukisa ezokulima eZimbabwe.

UMnu. Moses Jiri omunye wamalunga ekhomithi yezokulima uthi kuyamangalisa njalo ukuthi uhulumende wehlulekile lonyaka ukukweledisa abalimi imali yokulima ingqoloyi.

Uhulumende wayethembise ukuthi uzakweledisa abalimi laba izigidi ezingamatshumi amabili zamadollar - $20 million yokuhlanyela ingqoloyi.

UJiri uthi okwephula inhliziyo yikuthi uhulumende lonyaka usesebenzise phose izigidi ezingamatshumi amathathu zamadollar - $27 million ethenga ingqoloyi emazweni anjenge Turkey, Russia le Mozambique.

Okwamanje abalimi sebehlanyele ingqoloyi eyisilinganiso sama hectares azinkulungwane ezilitshumi – 10,000ha, kulokuthi bahlanyele inkulungwane phose ezingamatshumi amathathu – 26,000 hectares okwakukhangelelwe nguhulumende.

UMnu. Rejoice Ngwenya ingcwethi kwezenotho uthi abalimi bengqoloyi sokumele bayekele ukufunzwa nguhulumende kwezokulima.

XS
SM
MD
LG