amalinks wokungena

Breaking News

ISenate Yamukele iBill Lesisekelo Sombuso Esitsha


Idale le Senate lamukele iBill lesisekelo sombuso esitsha kungela kuphikisana kangako, eyinto esizakwenza ukuba sibuyele edale lephalamende ngolweSibili andubana sidluliselwe kuMongameli Robert Mugabe asisayine ukuze sibe ngumthetho omkhulu welizwe.

Ngemva kokunikeza amalunga eSenate ithuba lokuhluza leso sisekelo amalunga afika kwangamatshumi a ayisikhombisa lanhlanu abekudale avota wonke esamukela lesisisekelo kungela kuphikisana. Kube lokujabula edale ngemva kwalesi sehlakalo amalunga ehlabela egiya.

Ngaphambilini umphathintambo wezesisekelo sombuso lemisebenzi yedale lephalamende uMnumzana Eric Matinenga wethulele leli dale leSenate leli Bill wacasisa ukuba lesi sisekelo, yisisekelo esihle esinanza amalungelo kazulu kusihloko saso siphinda sinanze lendimi zeZimbabwe.

Idale leSenate liguqule izinto ezithile ezingatsho lutho kulesisikelo osokusitsho ukuba sizabuyela edale leHouse of Assembly ngolweSithathu andubana sisiwe kuMongameli Robert Mugabe ukuba asisayine ube ngumthetho omkhulu welizwe.

Ngakhoke umlawuli wedale leHouse of Assembly utshele abakhokhela amabandla ehlukeneyo edale ukuthi akhuthaze amalunga awo ukuthi aze ngobunengi ngolweSithathu edale ukuze aphange ahlaziye okuguqulwe yiSenate ukuze lolugwalo luphange lusiwe kuMongameli.

please wait

No media source currently available

0:00 0:05:51 0:00
Lapho esitholakala khona
XS
SM
MD
LG