amalinks wokungena

Breaking News

Imbongi Yethula Idlalade Elihloso Ukutshumayela Ivangeli Lokuthula Ngesikhathi Sokhetho


Imbongi elodumo uBongani Mncube.

Ngesikhathi ilizwe libheke ekhethweni lonyaka, imbongi yeZimbabwe edumileyo uBongani Mncube useyethule indlikizane yedlalade athi lihlose ukutshumayela ivangeli lokuthula ngalesi sikhathi esidume ngokuchitheka kwegazi, udlakela olwesabekayo lemfa yabantu abanengi.

Kuleli dlalade lakhe elithi Dear Brother, uMncube uthi mayuyu, uxolo, akube lokuthula kulolukhetho hatshi udlakela. Zilitshumi lane ingoma ezikuleli dlalade.

UBongani uthi ingoma ethi Dear Brother iqukethe intshumayelo yoxolo ngokuvumelana ukuthi alivumelani kodwa livumelana ngokuthula.

“Ngumholi we opposition party ebhalela umuntu obusayo ukuthi regardless ukuthi asiboni ngaso linye kodwa we are still brothers. Noma singamaShona, noma singaMandebele. Singasebenzisi ama resources ethu to kill our own people like okwakusenzeka e Africa. Regardless ukuthi asiboni ngaso linye kumele sike sihlale phansi ndawonye as brothers sikhulume ngokuthi yini esiyifunayo.”

Linsizwa yaziwa kakhulu ngokutshaya inja ingafihlimpini nxa ikhuluma labaholi. UNgibhace ezizweni, Why Africa Why, Lingakhohlwa ngamanye amadlalade akhe aqondiswe ngqo, kukhokheli zelizwe.

Imbongi Elodumo Yethula Indlikizane Elengoma Ezikhuthaza Ukuthula
please wait

No media source currently available

0:00 0:01:39 0:00

Zikhonake ezothando azifake kuleli dlalade njengendlela yokukhombisa khona ukuthi umuntu wonke akathande umakhelwane wakhe njengoba ezithanda yena ngesikhathi sokhetho lwalonyaka.“

Ingoma ezikuleli dlalade ezibalisa ethi Dear brother, Takabe tilitose, Inkululeko, lezinye zikhuza abasekeli, abaholi, ababusayo lababuswayo. UBongani uthi umkhuba wokuhlaselana kufuze ube ngumabonabulawe kukhetho lwalonyaka.

“Inkululeko yangempela asizukuyithola ngokulwa lesingavumelani labo. Sizoyithola ngokuthi sivumelane ukuthi ngeke sihlale sivumelana singabantu. Inkululeko yangempela asizukuyithola ngezibhamu. Sizoyithola ngokuguqula imiqondo yethu sicabange kahle, sicabange ngendlela eyakhayo. So inkululeko yangempela ayitholakali ngokuthi sihlale sigijimisana sihlale sisilwa. Itholakala ngokuthi sikhulule imiqondo yethu si accepte ezinye izinto ukuthi ngeke sihlale sivumelana.”

UBongani ukhuthaza bonke abathanda ukutfula ukuthi bathintane laye kuFacebook egameni lakhe elithi Bongani Mncube, bazitholele loluluju oludliwa umuntu ebotshelwe.

Ingoma ethi Inkululeko itshaya kuthophele ngoba ikhuza mngceke iziqoqodo ezithi nxa kufikukhetho ziphenduke umqhuqhumba indumbengavuthwayo ngenhloso yokugilimkubemibi ukuze zithole amandla ombuso ngodli.

UBongani MNcube Wethula Indlikizane Ekhuthaza Ukuthula
please wait

No media source currently available

0:00 0:05:48 0:00

Facebook Forum

XS
SM
MD
LG