BULAWAYO —
Iqembu lenguqu ele Dynamos lidibane le mbila zithutha kwele Tunisia lapho elidliwe khona ngele CA Birzetin okuyimpumela elitshiye lisengozini eyokuphuma kumncintiswano we African Champions League.
Ukudliwa kweDynamos ngenSonto kuvuselele inhlungu zanyakenye lapho iDembare ekhutshwe khona kumncintiswano we African Champions League ngemva kokudliwa kabuhlungu ngelinye iqembu eliphuma eTunisia njalo ele Esperance lona elayibhaxabula nge 6 ka nya.
Lonyaka abalandeli bomdlalo wenguqu bebelethemba lokuba iqembu leDembare lizaqhuba ngcono njengoba isifundo sanyakenye silokhu sisaseyisilonda esichinca igazi kodwa akusabanga njalo njengoba abafana baka Pasuwa beyifunde ivaliwe edolobheni le Birzetin lapho abatshaywe khona ngemiklomelo emithathu kungela mpendulo.
Umdlalo wehlandla lesibili uzakuba khona esigodlweni iHarare ngemva kwamaviki amabili njalo iDynamos kuzamele ihlohle kane kungela mpendulo evela kuqembu leBirzertin ukuze idlulele kusigaba esilandelayo esomncintiswano weChampions League.
Kubika intathelizindaba yeStudio Seven yezemidlalo uJoseph Njanji osipha loludaba ndawonye lezinye ekoBulawayo.
Ukudliwa kweDynamos ngenSonto kuvuselele inhlungu zanyakenye lapho iDembare ekhutshwe khona kumncintiswano we African Champions League ngemva kokudliwa kabuhlungu ngelinye iqembu eliphuma eTunisia njalo ele Esperance lona elayibhaxabula nge 6 ka nya.
Lonyaka abalandeli bomdlalo wenguqu bebelethemba lokuba iqembu leDembare lizaqhuba ngcono njengoba isifundo sanyakenye silokhu sisaseyisilonda esichinca igazi kodwa akusabanga njalo njengoba abafana baka Pasuwa beyifunde ivaliwe edolobheni le Birzetin lapho abatshaywe khona ngemiklomelo emithathu kungela mpendulo.
Umdlalo wehlandla lesibili uzakuba khona esigodlweni iHarare ngemva kwamaviki amabili njalo iDynamos kuzamele ihlohle kane kungela mpendulo evela kuqembu leBirzertin ukuze idlulele kusigaba esilandelayo esomncintiswano weChampions League.
Kubika intathelizindaba yeStudio Seven yezemidlalo uJoseph Njanji osipha loludaba ndawonye lezinye ekoBulawayo.
