amalinks wokungena

Breaking News

IDynamos Isihlezi Phezulu Kwengalane Yemiklomelo yePSL


Dynamos FC
Umsekeli kamqeqetshi weqembu lenguqu ele Highlanders uBekithemba Ndlovu uthi sekusezandleni zikaNkulunkulu ukuba iqembu lakhe linqobe ele Dynamos. UNdlovu ubekhuluma ngemva kokunqotshwa kweqembu le Highlanders ngele Dynamos nge 1 ka nya emdlalweni we ligi obusenkundleni yeBarbourfields ngenSonto.

Limpumela ebesemagumeni itshiye iDynamos isihlezi phezu kwengalane yemiklomelo ilemiklomelo engamatshumi amane lathobamunwe mbili njalo ilingene ngemiklomelo le Harare City yona ekundawo yesibili ikanti iHighlanders ilemiklomelo engamatshumi amane lesikhombisa.

Ngaphansi kwengalane amaqembu athi iMotor Action kanye le Tripple B asephelelwe ngumphako kusigaba saphezulu ngemva kokunqotshwa emidlalweni ayidlale ngempelaviki edluleyo. Ingqobe esisele yikuba yiwaphi amanye amaqembu amabili azagunyulwa ndawonye lalawa asekhonjwe indlela eya kusigaba se Division njalo lokhu kuzacaca kumidlalo emine eseleyo ndawonye lokuba yiliphi iqembu elizaphakamisa isicoco lonyaka.

Kolunye udaba olumayelana lomdlalo wenguqu;
Umnikazi weqembu leBulawayo Chiefs lona eliphumelele ukuyadlala kusigaba se PSL ngomnyaka ozayo livela kusigaba se Southern Region Division One, uLovemore Sibanda, uthi iqembu lakhe lizimisele ukwakha inkundla entsha edolobheni le Plumtree okuyiyona elizayisebenzisa ukudlalela imidlalo yalo kusigaba saphezulu.

USibanda ubekhuluma ngemva komkhosi wokunikeza iqembu le Chiefs imendulo zokunanza ukunqoba kwalo kumidlalo yalonyaka wona olandele ngemva komdlalo walo owokucina kumidlalo yalonyaka eliwudlale leqembu le Hwange Juniors enkundleni yeDingimuzi esedolobheni le Plumtree.

Ekhuluma emkhosini lo oyisiphathamandla senhlanganiso ye Zifa uJonathan Mashingaidze uthe ukungena kweqembu le Bulawayo Chiefs kutshengisa ukukhula komdlalo wenguqu kwele Zimbabwe njengoba imidlalo ye PSL isizadlalelwa lasedolobheni lePlumtree.

Iziphathamandla zomdlalo wenguqu ezigoqela umsekeli kamongameli wenhlanganiso yeZifa uNdumiso Emmanuel Gumede, uMashingaidze kanye lowaduma edlalela iqembu lesizwe uJohn Phiri yibo abakade bengabahlonitshwa ngesikhathi kuqhutshwa lumkhosi ndawonye lomela indawo yeMangwe edale lephalamende uObedingwa Mguni.
XS
SM
MD
LG