amalinks wokungena

Breaking News

IDynamos Ithatha Inkezo yeGushungo Victory Trophy


Dynamos vs Highalnders

Kuqhubekele phambili ukukhulelwa kweqembu lenguqu ele Highlanders ngele Dynamos ngempela viki edluleyo lapho iDeMbare enqobe khona iBosso nge 3 ka 2 kufinal yenkezo eye Gushungo.

Impumela yefinal eye Gushungo Victory Cup itshiye abalandeli beqembu le Highlanders bezibuza ukuba yikuyini okumele iqembu labo likwenze ukuze lenelise ukunqoba ele Dynamos njengoba iBosso iphindwe yanqotshwa njalo yi DeMbare okuyinto eseyaba yinhlalayenza.

Loba kunjalo abanye abalandeli beqembu le Highlanders basele beziduduza ngokuba iqembu labo lenelise ukuba ngutshiki lobhanqa leqembu le Dynamos laze lehlulwa sekutshaywa imbekwa ikanti emidlalweni edluleyo belihle libhaxabulwe kabuhlungu phakathi kwemizuzu engamatshumi ayithobamunwe munye.

Iqembu le Dynamos lithe ngokunqoba kwalo lathola inkulungwane ezingamatshumi amane lanhlanu ($45 000)kuthi ele Highlanders lithole inkulungwane ezingamatshumi amathathu lanhlanu (35 000).

....................................................................................................................................................................................................................................................................................................................................

Sikhangele imidlalo yenguqu edlalwe kwamanye amazwe;

Ezweni le South Africa iqembu le Supersport United yilo liphakamise inkezo ye Telkom Knockout ngemva kokunqoba ele Platinum Stars nge 3 ka 2 ngoMgqibelo.

NgeNsonto iqembu elimela ilizwe le South Africa emdlalweni kanobhutshuzwayo ele Bafana Bafana litshaye ele Ivory Coast nge 2 ka nya emdlalweni we Nelson Mandela Challenge ikanti umdlali weqembu le Banyana Banyana uPortia Modise nguye okhethwe ukuba yi Sports person of the year emkhosini wokunanza abaqhube kuhle kwezemidlalo lonyaka.

NgaseNgilandi iqembu elihlezi phezu kwengalane ele Chelsea lehluleke ukulitshayela emambuleni okwakuqala kusizi ka 2013/14 ngemva kokuba ngutshiki lobhanqa leqembu le Sunderland kodwa lale lilokhu liphezu kwengalane likhokhela elihlezi kundawo yesibili ele Manchester City ngemiklomelo eyisithupha.

Iqembu le Chelsea lilemiklomelo engamatshumi amathathu lantathu ngemva kokudlala imidlalo elitshumi lantathu.

Elizweni le Spain iqembu le Real Madrid yilo elihlezi phezu kwengalane lilemiklomelo engamatshumi amathathu lantathu njalo litshiya elihlezi kundawo yesibili ele Barcelona ngemiklomelo emibili.

....................................................................................................................................................................................................................................................................................................................................

Sikhangele umdlalo kakhilikithi;

Kwehlule ukuba iqembu elimela ilizwe le Zimbabwe emdlalweni kakhilikithi linqobe kuloba ngowodwa nje umdlalo kuyo yonke imidlalo eliyidlale elizweni lase Bangladesh ngemva kokuba linqotshwe emdlalweni wesihlanu njalo ungowokucina owohlobo lwe One Day International ngoMvulo.

XS
SM
MD
LG