amalinks wokungena

Breaking News

Iqembu Lenguqu eleDynamos Yilo Eselikhokhela Engalaneni yePSL


Dynamos Football Club

Akukacaci ukuba yiliphi iqembu lenguqu elingaphakamisa isicoco senkezo yeCastle Premier Soccer League lonyaka sekusele imidlalo eyithobamunwe munye kuphela okumele idlalwe esigabeni lesi.

Iqembu le Dynamos yilo elikhokhelayo engalaneni yemiklomelo lilemiklomelo engamatshumi amathathu lathobamunwe munye (39) kuthi ngemva kwalo kuleqembu le Highlanders lona elilingene ngemiklomelo lele ZPC Kariba womabili elemiklomelo engamatshumi amathathu lathobaminwe mbili (38). Kundawo yesine kuleqembu le Caps United lona elilemiklomelo engamatshumi amathathu lesikhombisa (37) kuthi ngaphansi kwalo kuleqembu le Hwange elilemiklomelo engamatshumi amathathu lane. Iqembu le FC Platinum likundawo yesithupha lilemiklomelo engamatshumi amathathu lanye kuthi ngemva kwalo kuleqembu le Chicken Inn elilemiklomelo engamatshumi amathathu.

Kundawo yethobaminwembili kuhlezi iqembu le Buffaloes elilemiklomelo engamatshumi amabili lathoba munwe munye lona lilandelwa ngele Harare City elilemiklomelo engamatshumi amabili lathoba minwe mbili.

Kuthike kweyetshumi kuhlezi iqembu le Chapungu elilemiklomelo engamatshumi amabili lesithupha kuthi ngemva kwalo kulamaqembu athi iTriangle, iHow Mine kanye le Black Rhinos womathathu lawamaqembu elemiklomelo engamatshumi amabili lane.

Iqembu leShabanie Mine likundawo yetshumi lane lilemiklomelo engamatshumi amabili lantathu ikanti ngaphansi kwalo kuleqembu le Bantu Rovers elilemiklomelo elitshumi lesithupha kuthi iqembu le Chiredzi yilo elijeke amanye engalaneni lilemiklomelo elitshumi lanye.

**************************

Sikhangele okwenzakale emdlalweni wenguqu kwamanye amazwe:

Ifinal yalonyaka eyenkezo ye MTN8 elizweni le South Africa izakuba phakathi kwamaqembu athi ele Orlando Pirates kanye lele Kaizer Chiefs ngemva kokuba womabili enqobe kumidlalo ye semi-final edlalwe ngempelaviki edluleyo.

Iqembu le Pirates linqobe ele Bidvest Wits nge 5 ka 1 nxa kuhlanganiswa impumela yemidlalo emibili edlalwe kusigaba se semi final kuthi ele Chiefs lona libhuqe ele Platinum Stars nge 5 ka nya nxa kuhlanganiswa impumela yemidlalo emibili.

Elizweni laseNgilandi imidlalo yeligi ingene kuviki lesibili ngempelaviki edluleyo njalo iqembu le Tottenham Hotspur yilo elihlezi phezu kwengalane ngemva kokubhuqa ele Queens Park Rangers nge 4 ka nya okuyimpumela etshiye leliqembu lilemiklomelo eyisithupha.

Iqembu le Manchester United lithole umklomelo walo wakuqala ngemva kokuba ngutshiki lobhanqa leqembu le Sunderland.

Namhla ebusuku kulomdlalo onathisa amanzi ozakuba phakathi kwentshantshu zesini edluleyo iqembu le Manchester City kanye leqembu eliphutshe imidlalo yesizini edluleyo likundawo yesibili ele Liverpool.

XS
SM
MD
LG