amalinks wokungena

Breaking News

IEU Ithi izimisele Ukuncedisa Ngemali Yokhetho

  • Mavis Gama

Abomanyano weEuropean Union bathi bazimisele ukuphathisa uhulumende weZimbabwe ngemali yokuqhuba ukhetho alubana bethe bacelwa.

IEU yethule umbiko lo ngoLwesithathu ngemva kokuba iZimbabwe Electoral Commission iveze ukuthi ayenelisi ukuqhuba kuhle uhlelo lokubhalisa abantu abazavota ngoba ingelamali.

Ummeli weEU eZimbabwe uMnu Aldo Dell'Ariccia utshele intathelizindaba eHarare ukuthi umanyano lo uzaphathisa ngemali yokhetho uhulumende engamcela.

UMnu Dell'Ariccia uthi njalo iEU ikhangele ngelihlo lokhozi izehlakalo zokulondolozwa kwelungelo loluntu ngalesi sikhathi ilizwe lilungiselela ukuya kukhetho.

Wengeze wathi udaniswa ngezinye zezehlakalo ezigoqela ukubotshwa mahlayana kwabenhlanganiso ezilwela ilungelo loluntu kanye lentathelizindaba.

EleZimbabwe like lacela uncedo lwemali kuUnited Nations (UN) kunyanga ezidluleyo kodwa waphanga wesula isicelo lesi ngemva kokuba iUN ifake izimiso uhulumende angavumelananga lazo.

Lanxa iZanu PF isethesa amazwe eEU umlandu wokusekela iMDC, uDell'Ariccia uthe umanyano lo uzimisele ukusebenzelana laloba yiliphi ibandla eliyabe linqobile kukhetho, kubike intatheli yethu uMavis Gama.

please wait

No media source currently available

0:00 0:02:41 0:00
Lapho esitholakala khona
Emhlanganweni awenze kulandela oweEU ngoLwesithathu umgcinisihlalo weZEC, uNkosikazi Rita Makarau uthe uhlelo lwe-mobile voter registration aluhambi kuhle ngokusilela kwemali.

Lanxa uhulumende ale uncedo obelucelile kuUN, ingcwethi kwezombusazwe uMnu Nkululeko Sibanda uthi uhulumende ulakho ukucela uncedo lweEU.
please wait

No media source currently available

0:00 0:01:53 0:00
Lapho esitholakala khona
XS
SM
MD
LG