Akubizwa ozwayo ngelanga langeNsonto kwele Brazil lapho umcintiswano wenguqu wamazwe womhlaba owenkezo ye2014 World Cup osufike komlindi uyacina. NgeNsonto kudibana iqembu lakweleGerman leleArgentina okungumdlalo weFinal walinkezo wokubona ukuthi intshantshu zalonyaka ngobani abazahamba layo eyithwele ekhaya.
NgoMgqibelo mhlaka 12 Ntulikazi 2014 ngaphambilini komdlalo omkhulu wangeNsonto kuzaba lomdlalo wokudinga iqembu elizathatha isikhundla sesithathu phakathi kwele Brazil elizadlala leleNetherlands.
Iqembu leBrazil lidanise abalandeli balo hatshi elizweni lelo kuphela lasemhlabeni jikelele ngokudliwa 7-1 ngele German laloba belidlalela ekhaya. Abanengi basele bebambe owangaphansi bezibuza ukuthi kanti konakeleni lize lidliwe kakubi kangaka bona abakade becabanga ukuthi lonyaka linkezo isala kwele Brazil.