amalinks wokungena

Breaking News

Ifinal yeMbada Diamonds Cup Ikhanya Ingadlalelwa koBulawayo


Highlanders
Ifinal yomcintiswano walonyaka yomdlalo wenguqu wenkezo yeMbada Diamonds izadlalwa ngamaqembu aphuma edolobheni lako Bulawayo ngemva kokunqoba okwenze amaqembu athi iHighlanders kanye le How Mine esigabeni sama semi finals.

Ifinal yalonyaka eyomdlalo we Mbada Diamonds ikhangelelwe ukuba khona ekupheleni kwayonale inyanga njalo lumdlalo ukhangelelwe ukuba uqhutshelwe edolobheni lako Bulawayo njengoba uzadlalwa ngamaqembu aphuma kontuthu ziyathunqa athi iHighlanders kanye le How Mine.

I Bosso inqobe iqembu le Harare City ngemva kokutshaywa kwembekwa ngomgqibelo emdlalweni oqhutshelwe edolobheni le Zvishavane enkundleni ye Mandava kwaba ngesifanayo njalo ngensonto lapho iqembu le How Mine elitshaye khona iqembu le Caps United ngemva kokutshaywa kwembekwa enkundleni ye National Sports.

Umdlalo obusenkundleni yeMandava ubukelwe ngabantu abanengi kabi njalo Isiphathamandla senhlanganiso yeMbada Diamonds uSibonile Dliwayo utshele iStudio 7 ukuba bona bayathokoza ngendlela abalandeli bomdlalo wenguqu abasekele ngayo umncintiswano wabo.

Iqembu le How Mine litshaye ele Highlanders kuyo yomibili imidlalo yeligi edlalwe yilawa maqembu lonyaka njalo abalandeli bomdlalo wenguqu balinde ukuba babone ukuba kuyozalwa nkomoni mzwana lawa maqembu edibana ekupheleni kwalinyanga.

Iqembu elizanqoba kumncintiswano walonyaka lizathola amadola azinkulungwane ezilikhulu lamatshumi amathathu $130 000 kuthi elizadliwa lizathola amadola angamatshumi ayithoba munwe munye.
Iqembu elizanqoba lizathola njalo usekelo lwemali eyokuba liyedlala kumncintiswano we Caf Confederations Cup.
XS
SM
MD
LG