Umsekeli womqondisi we Tobacco Industry and Marketing Board uMnu. Njodzi Machirori uthi igwayi eledlula amakilograms ayizigidi ezilikhulu selithengisiwe emkhambo wegwayi eZimbabwe lonyaka okutshengisa ukuthi abalimi bathakazelela intengo ephezulu yegwayi ekhona.
U Machirori uthi igwayi leli selilethe inzuzo engaba phose izigidi ezingamakhulu amathathu amadola eMelika.
Uphinde wathi kuyenzakala ukuthi kuthengiswe igwayi elingaba yisisindo sezigidi ezedlula ezilikhulu zamakilograms-120 million kg. Kube kukhangelelwe lonyaka ukuthi kuzathengiswa igwayi elingama kilograms edlula izigidi ezingamatshumi ayisikhombisa kuphela.
Umnu. Masimba Kuchera ingcwethi ecubungula ezenotho utshele iStudio 7 ukuthi ilizwe lilakho ukuthuthukisa inotho yalo ngesiphangi phangi njengoba igwayi liyinsika yenotho ye Zimbabwe.