amalinks wokungena

Breaking News

I-Highlanders Iphumelela Ukungena KumaSemi-Finals eZNA Commander’s Charities


Iqembu lenguqu eleHighlanders emdlalweni wenkezo yeZNA Charities.

Amaqembu omdlalo enguqu abalisa ele Highlanders, ele Harare City, ele FC Platinum kanye lele ZPC Kariba yiwo asefinyelele kusigaba se semi – final kumncintiswano we ZNA Commander’s Charities.

Iqembu le FC Platinum lifinyelele dsigabeni sama Semi - Final ngemva kokunqoba iqembu le How Mine nge2 ka 1 emdlalweni odlalwe ngoMgqibelo enkundleni yeMandava.

Umdlali weHighlanders uKasimero Chimbadzwa evala umdlali weChicken Inn uDivine Lunga
Umdlali weHighlanders uKasimero Chimbadzwa evala umdlali weChicken Inn uDivine Lunga

Emidlalweni edlalwe ngeSonto iqembu le Highlanders linqobe ele Chicken Inn nge 4 ka 2 ngemva kokutshaywa kwembekwa enkundleni yeBarbourfields ikanti lasenkundleni yeRufaro kube ngesifanayo lapho iqembu le Harare City elinqobe khona ele Caps United nge 4 ka 3 lakho ngemva kokutshaywa kwembekwa.

Isikhathi besiphele zingutshiki lobhanqa 1 ka 1 kuyo yomibili imidlalo yangeSonto.

Intathelizindaba yezemidlalo uNation Ncube uthi kuze kwalamula imbekwa kumidlalo yangeSonto ngoba amaqembu engakalungiseleli okwaneleyo ukuba ancintise lonyaka.

"Kusasekunengi abakumele bekulungise amaqembu ukuba babe ngamaqembu adlala kuzinga laphezulu - iPremier League - ikakhulu phambili abagadli kumele balungisise".

Iqembu leZPC Kariba yilo iqembu lesine eliphumelele ukudlala kusigaba se semi - final eyomncintiswano we ZNA Charities ngemva kokunqoba ele Dynamos nge 1 ka nya ensukwini ezedluleyo.

Kolunye udaba olumayelana lomdlalo wenguqu iqembu labesifazane elimela ilizwe linqobe ele Tanzania nge 2 ka 1 emdlalweni wokudinga amaqembu azakuyaphatheka kumidlalo yezwekazi lase Africa ezaqhutshelwa elizweni lase Cameroon ekupheleni komnyaka. Lumdlalo udlalelwe khonale ngase Tanzania ngoLwesihlanu olwedluleyo.

Ekuphendukeni kwalo ekhaya iqembu laseZimbabwe lihle laqhubekela phambili ngamalungiselelo alo njengoba lizadibana leqembu elifanayo ngemva kwamaviki amabili.

Iqembu elizanqoba phakathi kwele Zimbabwe lele Tanzania lizadibana kusigaba esilandelayo lelizanqoba phakathi kwele Zambia lele Namibia.

……………

Sikhangele umdlalo kakhilikithi;

Iqembu elimela ilizwe leZimbabwe lizadlala umdlalo walo wakuqala kumncintiswano wezizwe zomhlaba owohlobo lwe Twenty20 ngoLwesibili lapho elizadibana khona leqembu le Hong Kong.

Zimbabwe Cricket
Zimbabwe Cricket

Iqembu leZimbabwe likusibaya sika Group B ndawonye le Hong Kong, Scotland kanye le Afghanistan.

Kusibaya sika Group A kulamaqembu athi ele Netherlands, ele Bangladesh, ele Ireland kanye lele Oman.

Amaqembu azaphutsha imidlalo yezibaya ehlezi phezu kwengalane yiwo azathola ilungelo lokuyadlala kusigaba esilandelayo ndawonye lamaqembu agoqela ele South Africa, England, Pakistan, Australia, India, New Zealand, Sri Lanka kanye le West Indies.

please wait

No media source currently available

0:00 0:02:41 0:00
Lapho esitholakala khona

XS
SM
MD
LG