amalinks wokungena

Breaking News

Ihlanganiso Yabemigodi Ifuna Ukukhulumisana Lohulumende Ngohlelo Lwe Indigenization


Bazaqalisa ngoLwesithathu ukukhulumisana lohulumende ngokuthengisela uzulu amashares amankampani emazweni

Inhlanganiso yabemigodi iZimbabwe Chamber of Mines ithi izakhulumisana lohulumende ngama shares okumele atholwe ngabensundu njengoba imigodi eminengi ingafuni ukuthengisela uzulu amashares edlula okungaba yisilinganiso sokungamatshumi amahlanu ekhulwini.

Abemigodi laba bathi bazaqalisa ngoLwesithathu ukukhulumisana lohulumende ngokuthengisela uzulu amashares angaba yisilinganiso phose sokungamatshumi amathathu ekhulwini, ukuthuthukisa izabelo lapho abemba khona kanye lokuthenga kumankampani obosomabhizimusi be Zimbabwe okusetshenziswa ukwemba okutshiyeneyo.

Eminye imigodi enjenge RioZim (Pvt) Limited ibikwa isisehluleka ukukhanga osomabhizimusi bemazweni abalemali ukuze basebenzelane layo ngenxa yokwesaba uhlelo lweIndigenization.

Ingcwethi kwezenotho uMnu. Bekithemba Mhlanga uthi okufunwa ngabemigodi kungehlula ngoba iZANU PF isivele yafunga ukuthi izathathela abamhlophe amafekithali lemigodi.

XS
SM
MD
LG