Ukuthembisa ukubhadala iholo lebonus kuzisebenzi zikahulumende ngumqhatshi sokutshiye ezinye ingcwethi zisithi uhulumende usetheze olulenkume ngoba eseziphosele emlindini ongelamkhawulo.
Uhulumende ubhadala izisebenzi zakhe imali engamadola ayizigidi ezingamakhulu amabili, $232 million ngenyanga.
Uhulumende uthi uzabhadala izsebenzi lezi ibonus kusibanga senyanga ezintathu kusiya ngokuthi zikuluphi uhlangothi.
Ngeminyaka edluleyo intengo yempahla ezitolo yandise ukukhuphuka sonke isikhathi nxa izisebenzi zikahulumende zingathola amabonus.
Umphathintambo wezemali, uMnu. Patrick Chinamasa, wazisa ukuthi indleko kahulumende iphelela kuholo.
Ukuhlaziya loludaba sixoxe lengcwethi ecubungula ezomnotho welizwe, uMnu. Albert Mhlanga.
"Uhulumende wethu ulemali evele iyisikwelede kuluhlu lwendleka zakhe, okutsho ukuthi layonele esizaphiwa izisebenzi izengezelela isikwelde lesi ngoba ibingekho vele eluhlwini lwendleko zakhe," kutsho uMhlanga.
