amalinks wokungena

Breaking News

Iholo Leziziphathamandla Zikahulumende Liyavezwa


Umnumzana Patrick Chinamasa
Umnumzana Patrick Chinamasa
Uhulumende useze waveza iholo elitholwa yiziphathamandla zamankampani akhe ngemva kokwazisa ukuba akusamelanga ukuthi zithole iholo eledlula inkulungwane eziyisithupha ngenyanga, i $6 000.

Umphathintambo wezemali, uMnu. Patrick Chinamasa wazise ngoLwesibili ukuba obehola imali enengi kakhulu nguMnu. Cuthbert Dube owenkampani yePSMAS obethola amadola edlula inkulungwane ezingamakhulu amanhlanu, $535 000 ngenyanga kulandele uMnu. Reward Kangai okhokhela inkampani kamakhalekhukwini eye Net One obesiya endlini lenkulungwane ezingamatshumi amane lantathu zamadola.

Owesithathu kuluhlu lolu ngumnu. Happison Muchechetere owomsakazo weZBC obehola inkulungwane phose ezingamatshumi amathathu lasikhombisa, i$37 050. Uluhlu lolu, olulamankampani afika phose ikhulu, aleziphathamandla ezihola imali ephansi ezifana lamankampani athi Zimbabwe Enery Company, Lupane University lamanye bezithola imali eyizinkulungwane ezingamakhulu amane amadola, i $4 000.

Ukuhlaziya loludaba uChris Gande weStudio 7 uxoxe lonobhala jikelele wenhlanganiso yezisebenzi, iZCTU, uMnu. Japhet Moyo othi akucacanga ukuthi uhulumende uzabamba njani ngamandla leziziphathamandla ezithola iholo elikhulu ukuthi zilehlise.

please wait

No media source currently available

0:00 0:05:38 0:00
Lapho esitholakala khona
XS
SM
MD
LG