amalinks wokungena

Breaking News

Ijabulise Abalandeli iChicken Inn Ngokuthatha Inkezo yePSL


chicken Inn Football Club

Baqhubeke bethokoza abalandeli beChicken Inn ngoMvulo ngemva kokuba leliqembu liphakamise inkezo yalonyaka yePremier Soccer League (PSL) ngoMgqibelo.

Abafana beChicken Inn bathe ngokunqoba iqembu leHarare City nge3 ka 1 bakhuphula inani lemiklomelo yabo laya kumatshumi amahlanu lathobaminwe mbili (58), okulinani elingeke lifinyelelwe ngamaqembu ebelincintisana lawo.

Amaqembu la ngathi eleFC Platinum kanye leleDynamos, wona alemiklomelo engamatshumi amahlanu lane (54) iqembu ngalinye.

Ukunqoba kweChicken Inn kuza lelungelo lokumela iZimbabwe kumncintiswano wokudinga intshantshu zezwekazi leAfrica oweAfrican Champions League ngomnyaka ozayo.

Abalandeli baleli qembu bathi sokumele liqalise ukulungiselela umncintiswano lo.

Umsekeli omkhulu weChicken Inn uMacloud Moyo uthi iqembu lakhe liphumelele abantu abanengi belokhu besithi lisaselincane lisacathula.

“Ngibona angani iChicken Inn kwezebhora iyaphumelela ngoba abanengi kade besithi iChicken Inn ngumntwana but umntwana uyethuse abantu abadala namhlanje,” kutsho uMoyo.

Kusenjalo iqembu le Flame Lily libe liqembu lesithathu elizagunyulwa kusigaba sePSL ngemva kokuba libe ngutshiki lobhanqa 1-1 leqembu leWhawha ngeSonto.

Amanye amaqembu osekusaziwa ukuba ayabe edlala kuDivision One ngomnyaka ozayo ngathi eleDongo Sawmills leleWhawha, kukanti iqembu elesine lizavela phakathi kweleTsholotsho lele Buffaloes.

Iqembu leTsholotsho lona elihlezi kuzinga lesihlanu nxa usuka ngaphansi kwengalane yemiklomelo liyale lilokhu lilemiklomelo engamatshumi amathathu ngemva kokutshaywa nge 2 ka 1 ngeleHighlanders.

Umqeqetshi weqembu leTsholotsho uLizwe Sweswe uthi iqembu lakhe kuzamela linqobe ele Harare City emdlalweni walo owokucina ukuze lisinde.

“Besifanele siwine ngayo yonke indlela, but igame of football injalo, sizaqinisela up to the final end because now we need three points, noma kanjani,” kutsho uSweswe.

Iqembu leBuffaloes lona elitshaywe nge 2 ka 1 ngeleTriangle lilemiklomelo engamatshumi amabili lathoba munwe munye.

please wait

No media source currently available

0:00 0:01:50 0:00
Lapho esitholakala khona
XS
SM
MD
LG